Blog Cymraeg: Gwahaniaeth rhwng fersiynau

Mae'r dudalen hon yn cynnwys y prif gategorïau ar gyfer Y Rhestr. Ar waelod y dudalen hon, fel welwch restr llawn o'r holl flogiau (sydd wedi eu hychwanegu hyd yma!) yn nhrefn y wyddor.

Cefndir

Ers i’r blog Cymraeg cyntaf ymddangos yn 2001, mae nifer o rai eraill wedi dilyn. Mae rhai yn dal i fynd heddiw, rhai wedi eu gadael (ond yn dal ar gael), ac eraill wedi diflannu’n llwyr (unai dry ddewis yr awdur neu oherwydd telerau’r cwmni llety).

Mae sawl newid wedi bod. Ar y dechrau, roedd bron pob blogiwr Cymraeg yn roi dolen at bron i bob blog Cymraeg arall. Gydag amser, fe newidiodd hyn, yn rhannol gan bod oes y blogroll wedi dod i ben, ac hefyd gan bod cynifer o flogiau Cymraeg, roedd pobl yn dewis a dethol pa flogiau roeddynt yn ddarllen a pha rai roeddynt yn rhoi dolen atynt. Roedd hyn yn beth i’w groesawu, sef bod pobl yn rhoi dolen yn ôl a blaen i’w gilydd gan bod y blog o ddiddordeb, ac nid o ddyletswydd.

Fel mae amser wedi mynd yn ei flaen, a gyda chwymp ym mhoblogrwydd cadw blog, mae’r blogiau Cymraeg wedi dod yn fwy darniog, ac efallai gyda llai o gyswllt rhwng y blogiau a’r blogwyr.

Rydyn ni'n manteisio wici Hedyn i gasglu blogiau Cymraeg (a phodlediadau). Mae’r casgliad yn cynnwys blogiau byw a rhai sy'n cysgu. Mae sawl peth wedi ein ysgogi, ond yn bennaf i ddangos y fath amrywiaeth sydd ac a fu.

Alla i helpu?

Wrth gwrs - ti'n gallu ychwanegu blog i'r Rhestr. Mae mwy o fanylion ar y dudalen sgwrs.