Gweithredoedd

Llechen Android i blant (neu ffôn)

Oddi ar Hedyn

(Ailgyfeiriwyd o Llechen Android i blant)

Dyma rai nodiadau ar greu llechen/tabled Android i blentyn/blant. Neu ffôn.

Rhybudd

Dyw awdur[on] y tudalen yma ddim yn gyfrifol am unrhyw ganlyniadau sy'n deillio o ddarllen y wybodaeth yma.

Byddwch yn wyliadwrus pan yn rhoi dyfais electroneg i blant yn enwedig unrhyw ddyfais sydd ar y we, am resymau amlwg. Chi sy'n gyfrifol am eich plentyn/plant chi!

Hefyd mae elfen o risg mewn gosod dosbarthiad "amgen" o Android ac mae'n debygol o dorri unrhyw warantî sydd rhwng darparydd y dyfais a chithau.

System weithredu

Mae modd i chi osod LineageOS ar lechen er mwyn cael Android Cymraeg. Ar hyn o bryd bydd oddeutu 90-95% neu fwy o'r system yn Gymraeg. (Wrth gwrs mae croeso i chi gyfrannu at y prosiect cyfieithu.)

Mae prosiect LineageOS yn cynnig rhestr o ddyfeisiau a gefnogir - ffonau a llechennau. Byddwch yn hollol siŵr bod gyda chi'r union fodel sydd ar y rhestr.

Mae rhai pobl yn dewis gosod GApps er mwyn rhedeg rhai apiau perchnogol Google. Mae manteision ac anfanteision (ymhelaethu cyn hir yma).

Nodwch nad oes modd rhedeg rhai apiau, fel bancio.

Mewn theori, ar wahan i LineageOS mae modd cyfieithu a defnyddio GrapheneOS, postmarketOS, /e/OS/ neu ddosbarthiad arall.

Apiau

Apiau system

  • Aurora, ffordd o osod apiau heb yr angen i redeg Google Play

Apiau sy'n addas i blant

Dyma rai apiau sydd ar gael yn Gymraeg sy'n addas i blant.

  • Cywion Bach
  • TuxPaint, ap paentio
  • SuperTuxKart, gêm gyrru (gosodwch o storfa Aurora er mwyn cael fersiwn sy'n cynnwys y Gymraeg, nid F-Droid - sydd â fersiwn hŷn di-Gymraeg ar hyn o bryd)

Diolch

Diolch o galon i'r holl wirfoddolwyr sydd wedi cyfieithu'r feddalwedd rydd rydym yn gallu defnyddio ar Android.

Wedi dod o "https://hedyn.net/index.php?title=Llechen_Android_i_blant_(neu_ffôn)&oldid=8866"