Gweithrediadau

Sut i ddechrau gorsaf radio ar y we

Oddi ar Hedyn

The printable version is no longer supported and may have rendering errors. Please update your browser bookmarks and please use the default browser print function instead.

Gorsaf radio?

Mae'n hawdd i ddechrau gorsaf radio ar y we. Rydyn ni'n siarad am ddarlledu byw yn hytrach na phodlediad (sydd yn recordiad fel arfer).

Mae sawl ffordd o wneud e. Gwnawn ni ddechrau gyda ustream.tv achos mae'r gwasanaeth am ddim ac mae rhaid dechrau rhywle. Rwyt ti'n gallu dechrau heddiw os wyt ti eisiau. Dyma sut.

Pa fath o orsaf? Unrhyw beth. Siarad. Cerddoriaeth. Ychydig o'r ddau.

Mae'r canllaw yma YN gweithio achos dyna oedd y modus operandi tu ôl i'r orsaf radio arbrofol shwmae.com.

Profiad cyntaf

Gwnaf brawf cyn darlledu er mwyn cadarnhau bod dy offer yn gweithio ac i sicrhau'r ansawdd sain gorau. Bydd dy wrandawyr yn cwyno os fydd y sain ddim yn dda. Dyma sut.

Mae angen:

  • cyfrifiadur ar y we
  • meicroffon gyda plwg 3.5mm - neu os wyt ti ar gliniadur maen nhw gyda meicroffon mewnol dyddiau yma
  • cyfrifiadur arall ar y we
  • ffrind (i redeg y cyfrifiadur arall) - opsiynol

Canllaw:

Gweler hefyd: Recordio a ffrydio sain

  1. Gosod un cyfrifiadur rhywle. Dyma'r cyfrifiadur ti'n defnyddio i ddarlledu.
  2. Plygia'r meicroffon mewn i'r 'mic' neu 'line in'. Paid a defnyddio'r soced clustffonau.
  3. Gosod y cyfrifiadur arall rhywle arall. Dyma'r cyfrifiadur ti'n defnyddio i wrando. Dylai fe fod mewn ystafell ar wahan er mwyn i ti profi'r hud o RADIO BYW. Hefyd dwyt ti ddim eisiau ymyrryd gyda'r un sy'n darlledu. Os oes gyda ti seinyddion, gwych.
  4. Cer i http://ustream.tv
  5. Cer i Sign Up, llenwa'r ffurflen gyda manylion personol (paid a phoeni am enw dy orsaf neu rhaglen eto)
  6. Cer i Create Channel
  7. Llenwa'r ffurflen gyda manylion dy orsaf/sioe/rhaglen/sianel (os wyt ti'n wneud sioe Cymraeg rhoi Cymraeg yn y tagiau er mwyn helpu chwilio)
  8. Jump to channel | Go to channel | Dewisa enw dy sianel
  9. Clicia 'Go Live!'
  10. Ar y sgrin: Ustream-canllaw.jpg
  11. Clicia 'Broadcast'
  12. Dweud neu canu rhywbeth...
  13. Dyma sut mae darlledu yn edrych. Mae'r camera yn fyw ond mae'n bosib troi'r peth bant.
  14. Darlledu: Ustream-canllaw-darlledu.jpg
  15. Mae cyfeiriad fel ustream.tv/channel/enw-dy-sianel-yma
  16. Anfona'r cyfeiriad i'r cyfrifiadur yn y stafell arall (trwy ebost neu rhywbeth)
  17. Yn y stafell arall mae modd gwrando - jyst clicia'r cyfeiriad. Gwych!
  18. Dylet ti chwarae gyda'r gosodiadau er mwyn gwella'r sain.

Gwella'r sain

  • Os wyt ti'n clywed atsain efallai bydd angen cau lawr ffenestri ustream di-angen. Gwers: paid ag agor y sioe fel gwrandawr pan ti'n darlledu!
  • Efallai mae angen newid y lefelau ar dy gyfrifiadur neu ustream.
  • Mae ustream yn osod yr ansawdd yn llai na'r uchafswm bosib. Pam? Achos mae ansawdd gwell yn cymryd mwy o ddata i'w drosglwyddo. Os oes gen ti cysylltiad araf mae angen lleihau'r ansawdd. Ond dw i wastad yn ddechrau ar yr ansawdd gorau. Os oes gyda ti band-eang dylai fe fod yn iawn. Cer i http://speedtest.net a checia dy gyflymder lanlwytho (upload).
  • Yn hytrach na'r meicroffon rwyt ti'n gallu plygio mewn ffynhonnell arall o sain fel chwaraewr CD. Dyma pryd mae cymysgwr sain (mixer) yn defnyddiol achos rwyt ti'n gallu chwarae tiwns a llais. Weithiau mae cymysgwyr 4-sianel ar gyfer DJs yn rhad iawn. Mae dau neu tri lefel wedyn - y lefel meistr ar y cymysgwr a'r lefel ar ustream - ac ambell waith y lefel ar y cyfrifiadur. Bydd afluniad os ydy'r allbwn y cyfrifiadur yn rhy uchel.

Pellach

.

. cyn hir

.

Uwch

.

. cyn hir

.